Setu… ur mizvezh zo e oan erruet e Tôkyô goude 18 eurvezh e-bourzh ur c’harr-nij. Dija ! Tremen a ra buan an amzer ! C’hoant ‘moa ober ur bilañs diwar-benn ar miz kentañ. Hop, deomp dezhi !
An dibenn-sizhun tremenet (18-20 a viz du) e oa an « Iga Ueno Ninja Festa » e park Ueno, Tôkyô. E-pad tri devezh zo deuet ninjaed eus Park Ueno e kêr Iga (Mie Departament, kreiz-reter Japan, e kichen Meurvor Habask) betek Park Ueno e kêr Tôkyô !